A nosa compañeira Nerea xa ten 7 anos! E como naceu o día 27, decidimos celebrarllo o último día de clase. Trouxo unha tarta riquísima, que ademais cadrou coa merendola de nadal, que senón dabamos boa conta dela!
Como xa é costume, o último día de clases antes do nadal viñeron nenos e nenas de todo o cole cantar os reis á nosa clase, e despois fomos nós por tódalas aulas cantar os nosos. Aquí tedes o vídeo, e a continuación algunhas fotos. Esperamos que vos agraden!
Se queredes ver as actuacións das demais clases, podédelas atopar na web do cole, no enderezo:
Os nenos e nenas de 1º fomos á pista de patinaxe sobre xeo de Samil. Temos que recoñecer que iamos un pouco asustados por iso de caer e facernos dano, pero... nada máis lonxe da realidade!!! O monitor díxonos que foramos agarrados á valla para empezar a collerlle o truco, pero pasados poucos minutos moitos de nós xa iamos sos polo medio da pista e sen axuda! Caemos? Claro que si! Pero o importante non é caer, senón aprender a levantarse, e nós fomos todos uns expertos niso!